Bewusstsein

Wie dr Robert Fludd sich s Bewusstsii im 17. Joorhundert vorgstellt het

Bewusstsii (lateinisch conscientia „Mitwüsse“ und altgriech. συνείδησις syneidesis „Miterschiinig“, „Mitbild“, „Mitwüsse“, συναίσθησις Mitwoornäämig, Mitempfindig und φρόνησις vo φρονεῖν bi Sinn sii, dänke) isch im witiste Sinn s Erlääbe vo mentale Zueständ und Brozäss. En allgemäin gültigi Definizioon vom Begriff git s nid, will s underschiidlig und mit verschiidene Bedütige brucht wird. Die naturwüsseschaftligi Forschig beschäftiget sich mit definierbare Äigeschafte vom bewusste Erlääbe.