El buzkashi o kokpar ye una actividá ecuestre practicada n'Afganistán, onde ta considerada deporte nacional.[1] A pesar de que se practica n'Afganistán, anicióse probablemente n'Uzbequistán.
Consiste en dos equipos de chapandoz, o caballeros, nun campu d'aproximao dos quilómetros de llargor. Los xugadores de cada equipu nun s'estremen nel color de la so camiseta, sinón que paecen conocese. L'oxetivu del xuegu ye conducir el boz, que ye una cabra ensin cabeza y ensin estremidaes, dende un estremu del campu al otru.[1] Los integrantes de dambos equipos puxen pa llevase'l cuerpu de la cabra al centru del terrén de xuegu.
Ye un xuegu bien violentu, yá que nun tien unes regles definíes y los caballeros terminen envueltos en verdaderes batalles sangrientes. Tampoco hai árbitros polo que la resultancia depende solo de los xugadores. Pal caballeru'l pagu ye'l prestíu que puede tener ante'l restu de los sos pares. Los capitanes, denominaos "chapandaz", con turbantes y barbes negres, lleguen a la cancha con fusiles Kalashnikov al costazu y guardaespaldes y danse esquitar antes d'empezar el partíu.
Mientres la dictadura relixosa de los talibán la práutica d'esti xuegu tuvo prohibida,[2] ye por esa razón que dende'l colapsu del réxime volvió prauticar se tolos vienres en Kabul.
© MMXXIII Rich X Search. We shall prevail. All rights reserved. Rich X Search