Cirruskraken

Ünnerriek:	Veelzellers (Metazoa)
Afdeel:	Geweevdeerter (Eumetazoa)
Ünnerafdeel:	Bilateria
Böverstamm:	Lophotrochozoen (Lophotrochozoa)
Stamm:	Weekdeerter (Mollusca)
Klass:	Koppfööt (Cephalopoda)
Ünnerklass:	Dintenfische (Coleoidea)
Böverornen:	Achtarm-Dintenfische (Vampyropoda)
Ornen:	Cirruskraken

Wetenschoplich Naam

Cirroctopoda; Cirrina; Cirrata

J. Z. Young, 1989

De Cirruskraken (Cirroctopoda, Cirrina oder ok Cirrata) weert eerst vun 1989 af an as en egen Ornen gellen laten. In ollere Lehrböker weert se noch mank de Kraken (Octopoda) rekent. Tohopen mit de Kraken un de Vampirdintenfische weert de Cirruskraken to de Grupp vun de Achtarm-Dintenfische tohopenslaten. Ob dat en monophyleetsche Grupp is, dor könnt sik de Forschers noch nich eenig over weern.

Cirruskraken hefft twee Finnen an't Achterlief un an de Arms sitt bi elk Suugproppen en Paar Cirren (en Aart Ooghaare, de en Rull speelt bi dat Fangen vun Freten). Vun dat „Huus“ vun de Vorwesers vun de Kraken un vun den Schulp bi de Echten Dintenfische sünd noch düütliche Rste nableven in Form vun Hoorn-Strukturen.

De ollsten Cirruskraken sünd ut de Böverkried bekannt.