Cosplay

Cosplay (japanisch コスプレ, kosupure) is a Hobby, wo in d 1990a Joar midm Manga und Anime Boom aus Japan af Eiropa und USA keman is. Im Cosplay schlupfa d Leit in a Roin aus Manga, Anime, Comic, Fuim oda Videospui. Se ziang se so oo wie d Figua und vahoidn se aa so.

Es is wia de boarische Tradition im Fosching oda afn Masknball, nua dass Cosplay in da Fanszene s gonze Joar iwa gmocht wead. Zan Tei wead des extrem professionej betriem mid Vaoostoitunga und Wettbeweabn af da gonzn Wejd.