Euripides

Euripides (altgriech. Εὐριπίδης) (* 480 v. d. Z. oder 485/484 v. d. Z. z Salamis; † 406 v. d. Z. z Pella; begraabe in Makedonie) isch äiner vo de groosse klassische griechische Dramatiker.

Dr Euripides isch noch em Aischylos und em Sofokles dr jüngsti vo de drei groosse griechische Dragöödiedichder. Er het öbbe 90 Dragöödie verfasst und 18 von ene si erhalte. Usserdäm isch äins vo sine Satyrspiil überliiferet. Mit sine Stück, vor allem Medea, Iphigenie, Elektra und D Bakche, isch dr Euripides äine vo de Dramatiker vo dr Wältlitratuur, wo am mäiste gspiilt wird.