Gekkota

Gekkota
style="text-align:center;font-size:95%; background-color: D3D3A4;" id="9" colspan="3" | Rangu temporal: 110 Ma - Holocenu[1] PreЄ Є O S D C T J K Pg N
Gonatodes albogularis (machu)
style="text-align:center;background-color: D3D3A4;" id="59" colspan="3" |Taxonomía
Reinu:	Animalia
Filu:	Chordata
Clase:	Reptilia
Orde:	Squamata
Suborde:	Lacertilia
Infraorde:	GekkotaCuvier, 1817
style="text-align:center;background-color: D3D3A4;" id="104" colspan="3" |Families
Ver testu.
[editar datos en Wikidata]

Gekkota ye un infraorde de reptiles escamosos comúnmente conocíos como geckos o gecos. Compónse de más de 1500 especies clasificaes nunos 120 xéneros y 7 families.^[2] Distribuyiense en toles zones templaes del mundu, onde viven nuna variedá de hábitats distintes, dende selves bien trupes hasta zones desérticas. Los geckos nun pueden sobrevivir en rexones templaes, como'l norte d'Europa, pero nel sur d'Europa delles especies son bien comunes.

Los geckos caracterícense por tener güeyos y pies relativamente grandes sobre manera los deos de los pies. Polo xeneral les escames son pequeñas y tienen una cabeza esplanada ensin escayos o crestes. Presenten una gran variedá de formes, colores y tamaños. La mayoría tien colores apagaos y tán bien camufláu na so redolada natural. En delles especies, como les del xéneru Uroplatus de Madagascar, la forma del cuerpu tamién contribúi al camuflaje. El tamañu de les especies pue variar d'un pocu más de 1 cm hasta 40 cm, incluyendo la cola. Los geckos más llargos conocíos midieron más de 60 cm, pero estes especies son probablemente estinguíes.

Cuasi toles especies son ovípares; namái esisten unes poques especies ovovivípares. Les especies que ponen güevos producen de normal namái unu o dos güevos por puesta, lo que difier d'otros llagartos que suelen tener puestes más llargues. Los geckos aliméntense d'inseutos y otros invertebraos, y por esta razón son consideraos animales útiles na mayoría de los países nel so área de distribución. Dacuando los geckos son atrapaos pa sirvir como alimentu o como melecina na medicina tradicional.

La clasificación taxonómica de los distintos grupos de geckos foi oxetu de munchos cambeos yá dende'l principiu, principalmente por tratase d'un grupu bien ampliu. Primeramente, toles especies fueron arrexuntaes nuna sola familia. Darréu creáronse distintes subfamilies, y más tarde la clasificación camudó nuevamente sobro la base de nueves conocencies, y asitiáronse les distintes especies en families separaes.

El nome común gecko derivense de los soníos chirriantes y chasquíos que munches de les especies emiten, especialmente na temporada de apareamientu.

1. ↑ Arnold y Poinar 2008
2. ↑ Uetz, P. & Jirí Hošek (ed.): «Gekkota». The Reptile Database. Reptarium. Consultáu'l 23 de marzu de 2016.