Henotheismus

Dr Begriff Henotheismus (us griech.: heis, henos „äi“ und theos „Gott“) isch vom Indolog Friedrich Max Müller (1823–1900) iigfüert worde und bezäichnet e Glaube an e höggste Gott. Im Underschiid zum Monotheismus vo de abrahamitische Religione schliesst dr henotheistisch Glaube d Vereerig vo andere, undergordnete Götter brinzipiell nit us. Näben em Begriff vom Henotheismus wird „Monolatrii“ mit dr gliiche Bedütig verwändet.