Ironie

Unter Ironie verstaht me e Art z rede oder z schriibe, wenn me genau s Gegeteil vo dr Uussag erreiche wett oder seit. Abundzue isch au vo ironische Situatione d Reed. I so ne Situation chunnt me, wenn me extra e spezielli Massnahm vornimmt zum eppis z erreiche, aber genau s Gegeteil passiert. Zum Biispil wenn mer extra früehner uufstaaht zum ned z spaat zur Arbet choo, anstell vom öffentliche Vercher s Auto nimmt und weg dem id Rush Hour chunnt und gliich z spaat chunnt.

D Ironie gilt als beliebts Stiilmittel i literarische Text und cha, falls richtig gmacht, essentiel fürs Läseerläbnis voneme Text sii. So zum Biispil bim Voltaire siim Text Candide, wo nur so mit Ironie und Sarkasmus gspickt isch.