Jeschiwa

A Jeschiwa oda Yeshiva (hebräisch ‏ישיבה‎, "Sitzung"; pl. ישיבות, Yeshivot oda Jeschiwot) is a jidische Büdungseirichdung, de wos si aufs Studium vau da Tora, bsundas aufm Talmud konzentriad. Desweng sogd ma aa Talmudhochschui dazua.

Traditionö san Fraun zum Talmudstudium ned zuaglossn. Heit san olle ned-orthodoxn Yeshivot und vü vau de modean-orthodoxn fia Madln und Fraun offn. Auf de streng orthodoxn Talmudhochschuin deafn nua Mauna studian.

Noch da jidischn Tradition hod da Rabbi vau jeda Gemeinde es Recht ghobt, a eigane Studentnschoft in am Beit Midrasch (Studienhaus) zu untarichtn. De Kostn hod de Gemeinde z drong. Waun de Studentn in Obschluss bestaundn haum, sans söwa Rabbi wuan oda in an aundan Beruaf gaungan.