Lihou

Lihou
Lihou e o próximo promontorio L'Eree de Guernsey
Localización de Lihou
Situación
País	Reino Unido
Dependencia da Coroa británica
Provincia	Bailía de Guernsey
Arquipélago	Illas da Canle
Mar	Océano Atlántico
Coordenadas	49°27′38.16″N 2°40′4.44″O / 49.4606000, -2.6679000.
Xeografía
Superficie	0´156 km²
Longura máxima	400
Largura máxima	300
Punto máis alto	20 m.
Demografía
Capital	Lihou House
Poboación	Deshabitada
v c e

Lihou é unha pequena illa de marea dunhas 15 hectáreas de superficie, situada xunto á costa oeste da illa de Guernsey, á que queda conectada cando a marea está baixa por unha antiga calzada de pedra. Constitúe o punto máis occidental das Illas da Canle, na Canle da Manga, entre Gran Bretaña e Francia. Administrativamente, Lihou forma parte, desde xaneiro de 1995, da parroquia de St. Peter's na Bailía de Guernsey, e agora é propiedade do Parlamento de Guernsey (coñecido oficialmente como o Estados de Guernsey), aínda que houbo diversos propietarios no pasado. Desde 2006, a illa xestiónase conxuntamente polo Departamento de Medio Ambiente Guernsey e o Charitable Trust Lihou. No pasado, a illa foi utilizada polos habitantes locais para a recolleita de algas para o seu uso como fertilizante, pero hoxe Lihou utilízase principalmente para o turismo, incluíndo viaxes escolares. Lihou é tamén un centro importante para a conservación da fauna mariña e avícola, forma parte da Convención de Ramsar para a conservación das aves e plantas raras. Tamén se atopan na illa as ruínas históricas dun priorato e unha casa de campo.