Muadageddin

A Muadageddin (dt. Muttergöttin, engl. Mother Goddess), aa Eadmuada oda Muada Eadn, is a Geddin, wo de Natua, Muadaschoft, Fruchtboarkeid, Schepfung und Zastearung vakeapad. Oda wo in Reichdum, d Schätze, d Liab und d Schee vo da Eadn doastejn duad. D Muadageddina representian oft oan oanzalnan Aspekt bsundas, ohne doss d andan desweng ganz vaschwindn miassn.

Da Begrif Muadageddin umfossd an Haffa Facettn. D Siachtweisn hom si in da Entwicklungsgschicht vom Menschen bis heit imma wieda vaendad. In da Nomadnkuitua woar d Muadageddin woarscheins a Geddin vo d Wuidviechal und vo da Jogd. Mid da Entstehung vo da Pflanzna- und Bauankuitua is mehra zua Eadmuada und Fruchtboarkeidsgeddin woarn. Heint hods a feministische Komponentn.^[1]

1. ↑ Klaus E. Müller: Die bessere und die schlechtere Hälfte. Ethnologie des Geschlechterkonflikts. Campus, Frankfurt a. M. / New York 1984, ISBN 3-593-33360-0. S. 272–277.