Nememspegulsimetrieco

En geometrio, figuro estas nememspegulsimetria se ĝi ne estas identa al sia spegula bildo, aŭ alivorte se ĝi ne povas esti mapita al sia spegula bildo per turno kaj movo.

La litero "F" estas nememspegulsimetria du-dimensia (2D) objekto. La litero "M" estas memspegulsimetria du-dimensia objekto.

Ŝraŭbo kaj ŝraŭbingo estas nememspegulsimetriaj tri-dimensiaj (3D) objektoj.

Ĉiu figuro povas esti nememspegulsimetria nur en spaco de la sama dimensio kiel la figuro mem. Se la figuro estas metita en spacon de pli alta dimensio, la aldonaj dimensioj donas la novan eblecon turni la figuron kaj ĝi iĝas memspegulsimetrian.

Ekzemple ĉiu el du signoj ≤ ≥ estas nememspegulsimetriaj en 2D (ili estas spegulaj bildoj unu de la alia kaj ne estas identaj). Sed se skribi la unuan signon sur papero kaj turni la paperon en 3D spaco ĉirkaŭ akso en ebeno de la papero je 180 gradoj (imagu ke la papero estas travidebla) do rezultiĝas la dua signo.

Iu nememspegulsimetriaj tri-dimensiaj objektoj, povas esti nomataj kiel dekstraj aŭ maldekstraj laŭ la dekstra regulo.