Oasis

Un oasis ye un paraxe d'un desiertu nel cual pueden atopase agua y vexetación. Suelen constituyir porciones más o menos estenses de terrenes fertilizaos por una fonte d'agua metanes los bancos de sable.

Nestos llugares puede haber pequeños asentamientos habitaos, como los de la rexón d'El Sáḥara, la península arábiga o pueblos como los de Pica, en Chile, Ica en Perú o Parras de la Fuente, en Méxicu. Amás de dar cultivos a los pobladores cercanos, sirven p'abastecer a los viaxeros y caravanes.

A la ilusión de percibilos visualmente llámase-y espeyismos.

La pallabra oasis provién del griegu ὄασις [oasis], tomáu del exipciu oḥ3t, en demóticu oḥỉ y en coptu uaḥy.^{[ensin referencies]}