Passaschiaschiff

A Passaschiaschiff oda Foahgostschiff (dt.: Passagierschiff oda Fahrgastschiff) ('FGS) is a Wossafoahzeig vo spezieja Konstrukzion, Ausristung und Eihrichtung za da Bfeadrung und Vasoagung vo Peasona af Binnenwossastroßn (Binnenpassaschiaschiff), af Gstodgwassan (Kuistnpassaschiaschiff, Sääbädaschiff) oda iwa Sää (Hochsääpassaschiaschiff bzw. Iwasääpassaschiaschiff). Passaschiaschiff mid Iwanochtungsmeglikeit nennd ma: Kabinaschiff, soiche ohne Kabina san Dogesausflugsschiff. De Foahgäst wean Passaschiare gnennd (je noch Untabringung Dogespassaschiare, Deckspassaschiare oda Kabinapassaschiere). Meistns hondld's se um Touristn.

Noch da Eihsotzoat wean Linien-Foahgostschiff mid foahplanmeßing Obfoahtn und Okinft af Kuaz- und Longstreckn, Urlauba-Foahgostschiff und Kreizfoahtschiff fia Vagnigungs- und Eahoiungsreisn untaschiedn. Noch de Bestimmunga vo da Internationaln Konvenzion za Schutz van menschlichn Lem af Sää is jeds Handlsschiff mid meah ois zwejf Foahgostplätz a Foahgostschiff. De Bezeichnung Passaschiaschiff is etzad im Sprochgebrauch ibli fia säägehnde Foahgostschiff und stommd aus'm Englischn vo passenger vessel. As Hochsää-Passaschiaschiff zeichnd se duach umfongreiche Afbautn mid meahran Schiffsdecks aus.