Prostitution

Prostituzioon (vo latiinisch prostituere „noch vorne/ zur Schau stelle, briisgee“) bezäichnet sexuelli Handlige für Gäld. Wenn d Prostituzioon unfreiwillig isch, reedet mä vo Zwangsprostituzioon. Prostituzioon git s in braktisch jeeder Kultur. Iiri gsellschaftligi Bewärtig und Akzeptanz isch vo kulturelle, ethische und religiööse Wärt abhängig und cha sich im Lauf vo dr Gschicht stark ändere. Mä underschäidet zwüsche dr wiiblige und dr männlige Prostituzioon.