Sawit

?Sawit
Sawit di Malaysia
Klasifikasi ilmiah
Karajaan: Plantae Divisi: Magnoliophyta Kelas: Liliopsida Ordo: Arecales Famili: Arecaceae Upafamili: Cocoideae Genus: Elaeis Jacq.
Species
Elaeis guineensis Elaeis oleifera Elaeis odora

Sawit adalah tumbuhan nang rancak ditanam urang sagan diambil minyaknya. Sawit ngini sabujurnya ada dua macam nang rancak ditanam urang, yakni Elaeis guineensis, Elaeis oleifera,wan Elaeis odora. Walaupun asalnya matan Aprika Barat atawa matan Amirika Latin manurut sabahagian pandapat urang, sawit tumbuh subur di Malaysia, Indunisia, Thailand, wan Papua Nugini.^[1]

Banyak urang nang mangambangakan tumbuhan ngini sagan diambil buahnya. Buah sawit rancak diulah jadi minyak sawit mantah (crude palm oil atawa CPO) nang bawarna kuning wan minyak inti sawit (palm kernel oil atawa PKO) nang kada bawarna. Dua macam ngini rancak dipakai sagan industri makanan (minyak lawak wan margarin), sabun (bahan nang mahasilakan busa), baja (sagan jadi palumas), pakaian, kusmitik, wan bahan bakar biudisil.^[2]

Minyak sawit saurang baisi kadar kulistrul nang tarandah pada minyak matan tumbuhan lain.^[2] Lain pada ngitu, minyak sawit jua kawa manangat kankar tuha badahulu, wan panyakit lainnya maraga baisi bita karutin, fukusantin, niukantin, fiulasantin, tukufirul, tukutriinul, vitamin E, asam lamak linuliat, asam lamak linulinat, wan fitustirul.^[3]

1. ^ Fauzi, Yan; Widyastuti, Yustina E.; Satyawibawa, Iman; Paeru, Rudi H. (2012). Kelapa Sawit. Jakarta: Penebar Swadaya. ISBN 9789790025301. 
2. ^ ^{a b} Sastrosayono, Selardi (2003). Budi Daya Kelapa Sawit. Jakarta: AgroMedia Pustaka. hlm. 1–3. ISBN 9789793357621. 
3. ^ Khomsan, Ali; Anwar, Faisal (2008). Sehat Itu Mudah. Jakarta: Hikmah. hlm. 81–82. ISBN 9789791141963.