Sismolohiya

An sismolohiya (gikan sa Kastila: sismología na ginuno sa Griyegong σεισμός "linog" asin -λογία "pag-aadal kan") iyo an siyensya kan pag-aadal sa mga linog asin sa mga elastic waves kan Kinaban o sa ibang mga garo planetang bagay sa kalawakan. Pig-aadalan man digdi kan naunambitan na disiplina an mga eksperto sa linog sa kapalibotan, siring kan mga dolnop pati na man an iba pang pinaggigikanan kan mga pagtanyog kun ini gikan sa bulkan, kadagatan, atmospera, tectonic o artipisyal na proseso siring kan mga pagsabog. Sarong kasugpon na disiplina na naggagamit kan heolohiya tanganing maadalan an mga nakaaging mga linog iyó an paleosismolohiya. An pagtala kan mga hiro kan kinaban bilang function kan panahon iyo an inaapod na sismogram. An sarong sismologo iyo an siyentipikong nagsasaligsig sa sismolohiya.