Skeptisisme

Skeptisisme adalah paham yang meyakini segala hal bersifat tidak pasti (maraguakan, mancurigaakan), misalnya: kangalihan ngitu sudah banyak maulah sakiptisisma tahadap kasanggupan dalam mamandirakan gajulak hubungan antarabangsa. Manurut Kamus Besar Bahasa Indonesia, skeptis artinya kada tapi parcaya, raragu (tahadap kamungkatan ajaran, wan sabagainya), misalnya: paharitan wan pangalaman dijadiakan urang baparangai sinis wan sakiptis. Jadi sacara umum sakiptisisma adalah kakadaparcayaan atawa karaguan sasaurang lawan sabuting hal nang balum tantu ngitu bujur. Tom Friedman matan New York Times manyambat bahua sakiptis adalah sikap gasan salalu manakuni sabarataan hal, maraguakan apa nang ditarima, wan mawaspadai lawan sabarataan kapastian supaya kada kawa dibunguli. Saurang nang sakiptis pacangan manyambat: "Ku tangguh ngitu kada bujur. Kaina kupariksa."^[1]

Dalam pamakaian saban hari sakiptisisma kawa baarti:

1. Sabuting sikap karaguan atawa dispusisi gasan karaguan nang baik sacara umum atawa manuju upjik tatantu
2. Duktrin nang bujur ilmu pangatahuan atawa ada di wilayah tatantu nang masih kada pasti, atawa
3. Mituda ditangguhakan patimbangan, karaguan sistimatis, atawa karitik nang karaktaristik sakiptis (Merriam-Webster).

Dalam pilsapat, sakiptisisma marujuk ka maknan husus atawa sabuting hal atawa matan babarapa unjut janak. Tamasuk unjut janak tantang:

1. Sabuting patakunan,
2. Mituda mandapatakan pangatahuan malalui karaguan sistimatis wan batarusan dicik,
3. Kasambarangan, rilatipitas, atawa subjiktipitas, matan nilai-nilai mural,
4. Kadikitan pangatahuan,
5. Mituda intaliktual kahati-hatian wan patimbangan nang ditangguhakan.

1. ^ Ishwara, Luwi (2007). Catatan-catatan Jurnalisme Dasar. Jl. Palmerah Selatan 26-28 Jakarta 10270: Penerbit Buku Kompas. hlm. 1. ISBN 9789797092023.