Typograf

Typograf er ein person som arbeider med typografi (kunsten og teknikken å velja og komponera skriftsnitt, skriftstorleikar, linjeavstand, teiknavstand og ordavstand for typografiske bruksmåtar).

Opphavleg var typografi knytt til boktrykking.^[1] Eit boktrykkjeri har som regel to ulike arbeidslokale: setteriet der ein framstiller satsen, og sjølve trykkjeriet, der han blir trykt.^[1] Av dette følgjer dei to hovudgruppene av fagarbeidarar, setjarar og trykkjarar.

Det moderne omgrepet typografi er lausriven frå boktrykking og blir best skildra som å setja og forma ut tekst.

Utdanninga har endra innhald og skifta namn og heiter i dag mediegrafikar.

1. ↑ ^{1,0 1,1} Kirste, Max Richard. Yrkeslære for settere. Oslo: Yrkesopplæringsrådet for håndverk og industri.