5 results found for: “Climate_Change”.

Main result

Escalfamiento global

O escalfamiento global ye o proceso d'aumento gradual d'a temperatura d'a planeta Tierra por, entre atras causas, a intensificación d'o efecto hibernadero. O [[Grupo Intergubernamental sobre o Cambio climatico (IPCC) diz que gran parti de l'aumento dende midat d'o sieglo XX se debe a l'aumento de concentracions antropochenicas de gas hibernadero. Probablement fenomenos naturals como a variación solar y os vulcans provocoron una mica d'escalfamiento global dende a epoca preindustrial dica 1950 y un chicot enfriamiento dende 1950 entabant. Istas conclusions basicas han estato aprebatas por, como minimo, 30 sociedaz y academias cientificas, incluyendo totas as academias nacionals de ciencia d'os países mas industrializatos. Mientres que bels cientificos individuals han amostrato desalcuerdo con ista hipotesi, a gran mayoría de cientificos que treballan en o cambio climatico son d'alcuerdo con as conclusions prencipals d'o IPCC. Procheccions de modelos climaticos indican que as temperaturas d'a superficie puyarán d'1,1 a 6,6 °C mientres o sieglo XXI. O mas incierto en ista estimación ye l'aumento u no d'emisions de gas hibernadero y l'uso de modelos con una sensibilidat climatica diferent. Una atra cosa incierta ye como o escalfamiento y altros cambios relacionatos variaran en cada rechión. A mayoría d'os estudios se centran en o periodo dimpués d'o 2100, y se creye que o escalfamiento continará bels mil anyos si os livels de gas hibernadero s'estabilizan. Isto se debe a la gran capacidat de calor d'os oceanos. L'aumento d'a temperatura global prevocará a puyata d'o livel d'as mars y cambeará o numero de precipitacions, incluindo una expansión d'as rechions subtropicals deserticas. Atros efectos incluyen l'aumento en a intensidat d'o clima extremo, cambios en as cullitas, modificacions d'as rotas comercials, o retacule d'as cheleras y a extinción d'especies. A mayoría d'os gubiernos han sinyato y ratificato lo Protocolo de Kyoto ta reducir as emisions de gas hibernadero.