4 results found for: “The_Chosen”.

Main result

Dian Fossey

Dian Fossey, naixita de San Francisco (California,Estaus Unius) lo 16 de chinero de 1932, yera una zoologa conoixida por realizar un extenso estudio d' os grupos de gorilas de montanya dende 1966 dica o suyo asesinato en 1985. Los estudió a diario en os selvas montanyosas de Ruanda, inicialment alentada a treballar allí por o paleoantropologo Louis Leakey. Gorillas in the Mist (en aragonés Gorilas en a boira), un libro publicau dos anyos antis d' a suya muerte, ye o relato de Fossey sobre o suyo estudio cientifico d' os gorilas en o Centro d'Investigación Karisoke y a suya cursa anterior. Estió adaptado a una cinta de 1988 d'o mesmo nombre con Sigourney Weaver como protagonista. Fossey estió uno d' os primatologos mas importants d'o mundo, miembro d'a colla clamada Os Trimates, una colla formada por destacadas cientificas enviadas orichinalment por Leakey pa estudiar l' os grans simios en os suyos entornos naturals, chunto con Jane Goodall, que estudió l' os chimpanzés, y Birutė Galdikas, que estudió l' os arangutans. Pasó 20 anyos en Ruanda, an emparó activament os esfuerzos de conservación, s'oposó fermament l' a caza furtiva y a lo turismo en os habitats de vida silvestre y fazió que mas personas reconoixesen a los gorilas como intelichents. Fossey y os suyos gorilas fueron victimas d' acoso. Tras l'asesinato d' un gorila y as tensions posteriors, estió asesinada en a suya cabana en un campamento remoto en Ruanda en aviento de 1985. Encara que l'asistent d'investigación de Fossey estió condenau en ausencia, no bi ha consenso sobre quí la mató. O suyo treballo d'investigación y conservación ayudó en gran mida a reducir a tendencia a la baixa d' a población d' os gorilas de montanya, salvando-los d' a suya extinción.