10 results found for: “Blink-182 ”.

Main result

Blink-182

Blink-182 (frecuentemente estilizado blink-182) ye una banda estauxunidense de pop punk, formada'l 2 d'agostu de 1992 por Tom DeLonge (quien más tarde, nel 2015, sería sustituyíu por Matt Skiba), Mark Hoppus, y Scott Raynor (quien más tarde sería sustituyíu por Travis Barker) en Poway, California. Poco tiempu dempués de llanzar el so primer álbum d'estudiu, Cheshire Cat, la entós banda llamada «Blink» tuvo qu'añader el númberu «-182» al so nome por cuenta de que una banda techno irlandesa yá se llamaba «Blink» y amenació con entamar aiciones llegales. Tres el primer ésitu de Blink-182 con Dude Ranch, el so segundu álbum d'estudiu, DeLonge y Hoppus decidieron espulsar al so batería orixinal, Scott Raynor. Les razones del so despidu nunca fueron esclariaes oficialmente polos dos primeros, anque Raynor aseguró en delles entrevistes que foi culpa del so alcoholismu. Travis Barker, batería entós de The Aquabats, reemplazó a Raynor y con él la banda llogró aportar al mainstream y al ésitu mundial coles superventes de Enema of the State, llanzáu en 1999 por MCA Records. A finales del 2003, tres dellos ensayos con bandes paraleles y rumores sobre la so separación, llanzaron lo que foi nesi momentu'l so últimu álbum d'estudiu, que nun foi tituláu. Apenes dos años dempués la banda fixo oficial la so separación y surdieron, de la mesma, dos grupos d'esta rotura: Angels and Airwaves lideráu por DeLonge, y +44 con Hoppus y Barker. La banda ye conocida pol so humor satíricu y escatolóxicu (conocíu n'inglés como toilet humor). El llanzamientu del so primer álbum en 1994, Cheshire Cat, coincidió col ésitu del resurdimientu punk rock californianu y del llanzamientu nesi mesmu añu de discos clásicos del punk de la mariña oeste como Dookie, de Green Day; Smash, de The Offspring y Punk in Drublic, de NOFX. Les influyencies de la banda, según los mesmos Hoppus y DeLonge fueron NOFX, The Cure, Dinosaur Jr., The Descendents y Screeching Weasel. Cola llegada de Barker a la batería, la banda algamó una llírica y un soníu musical más maduru, como se demostró n'unu de los proyeutos paralelos de DeLonge y Barker, Box Car Racer. La banda vendió 40 millones de discos en tol mundu y 13 millones solu n'Estaos Xuníos. El 5 de febreru de 2009 anuncióse que'l tríu presentaría un premiu nos Grammy, siendo esta la primer vegada en 5 años que la banda presentar nun escenariu. El 8 de febreru, siendo presentadores del premiu a meyor banda de rock, anunciaron el so regresu. El 27 de setiembre de 2011 llanzaron el so sestu álbum d'estudiu, Neighborhoods.