1 results found for: “Sanctions_against_Russia”.

Main result

Yevgeny Prigozhin

Si Yevgeny Viktorovich Prigozhin (Russian: Евгений Викторович Пригожин; namundag 1 Hunyo 1961 - pigtutubodan nagadan na kan 23 Agosto 2023) sarong Rusong oligarka asin kaugos na amigong gayo ni Valdimnir Putin, an presidente kan Rusya. Si Prigozhin minsan binabasagan na "Putin's chef", ta siya kadakul mga restoran asin mga kompanyang nagkecatering na iyo an nagtataong serbisyo para sa Kremlin. Sentensyado sa Unyon Sobyet, si Prigozhin ngonyan kontrolado an sarong network nin mga maimpluwensyang kompanya na kabali diyan an mersenaryong grupo inapod na Wagner Group asin tolo pang mga kompanya na akusado sa pagsalibakbak sa eleksyon sa Estados Unidos kan taon 2016 asin 2018. Susog sa 2022 na imbestigasyon kan Bellingcat, The Insider, asin kan Der Spiegel, an mga aktibidad ni Prigozhin "higot na gayong damay sa Ministro nin Depensa nin Rusya asin sa sanga kaini sa intelehensya, an GRU". Pakalihis nin pirang taon na pagpaparahimutik na mayo siyang pakilabot sa Wagner, siya dagos nang inako kan 26 Septyembre 2022 na siya an kagtugdas asin kagpuhunan kaini. Siya nagtaram na tinugdas niya ini kan Mayo 2014, sa pagsuporta sa pwersa armada kan Rusya duman sa gera sa Donbas. An pag'ako na ini napadali kan nag-viral an bidyo kun saen si Prigozhin pinapahiling yaon sa Mari El na preso nag'aalok sa mga preso nin paglibre sainda kun magsirbe sa Wagner nin anom na bulan. Si Prigozhin haloy na nagpahimutik kan saiyang papel sa pagsahong-sahong kan Rusya sa eleksyon sa Estados Unidos. Kan Nobyembre 2022, inako niya na totoo siya damay sa operasyon na ini asin sinabi niya na ipapasige niya an siring na operasyon. Kan Pebrero 2023, sinabi niya na siya an kagmukna asin kagpadalagan kan Internet Research Agency, sarong Rusong kompanya na soboot nagkokondukta nin mga propagandang kampanya on-line.