Ar produadur diabarzh gros, berraet e PDG (galleg PIB), zo ur merker ekonomikel implijet da jediñ ar pinvidigezhioù krouet gant obererien ekonomikel ur vro resis. Termenet eo evel talvoudegezh hollek ar produadur diabarzh a vadoù hag a servijoù en ur vro resis e-pad ur bloavezh resis gant ar re zo o chom e diabarzh an dachenn vroadel. Muzul ar gounidoù a zeu eus produadur ur vro resis eo ivez. Komz a reer a-wezhioù eus produadur ekonomikel bloaziek pe eus produadur hepken.
Gant ar PDK eo c'haller muzuliañ feur ar c'hresk ekonomikel. Gant ar PDK dre annezad eo c'haller muzuliañ al live bevañ.
Ar c'horvoder broadel kriz (KBK) eo ar PDK mui enkerzhoù rik korvoder ar werederioù a-ziavaez-bro (korvoder ar werederioù o tont eus ar pep all eus ar bed nemet korvoder ar werederioù paeet d'ar pep all eus ar bed).
© MMXXIII Rich X Search. We shall prevail. All rights reserved. Rich X Search