2 results found for: “Trump_covid-19”.

Main result

Donald Trump

Donald John Trump (nascite le 14 de junio 1946 in New York) es un politico statounitese qui esseva le 45e presidente del Statos Unite ab 2017 usque 2021. Ante su entrata a politica, ille esseva un homine de affaires e personalitate de television. Nascite et elevate in New York, Trump es le filio del homine de affaires Fred Trump. Post universitate, ille deveniva le chef del compania de su patre, un societate holding principal pro interprisas immobiliari e altere interesses commercial, que ille renominava The Trump Organization. Ille expandeva le compania e le fortuna per le construction e renovation de grattacelos (inclusive Trump Tower), hoteles, casinos e campos de golf. Ille fundeva etiam companias, usualment per le patentar de su nomine. Trump ha confrontava 4,000 actiones e fiascos legal, inclusive sex bancarupteros.. Foras su affaires, ille deveniva plus famose al publico per su libro The Art of the Deal, su posession del competitiones de beltate Miss Universo ab 1996 usque 2015 e su rolo como le presentator del serie de television reality The Apprentice. Usque le decennio 2010, su indorsamentos politic se variava. In 2000, ille contestava le nomination del Partito de Reform ma lo abandonava. Trump deveniva plus involvite in politica post 2011, quando ille promoveva rumores false re le nationalitate del presidente Barack Obama. In 2015, ille comenciava un campania presidential e accentuava nationalismo, populismo, protectionismo e sovente isolationismo. Initialmente, ille esseva vidite como un candidato margine con parve prospectos in le contest del nomination del Partito Republican e le election general de 2016, que deciderea le successor de Obama. Totevia, ille ganiava le nomination e vinceva Hillary Clinton, le candidato del Partito Democratic. Clinton recipeva 2.9 milliones plus de votos quam Trump, un margine de plus que 2% del total, ma Trump e su candidato vicepresidential Mike Pence ganiava un majoritate in le Collegio Electoral.. Trump lo contestava con un campania insolite; ille sovente faceva declarationes false e remarcas incendiari contra gruppos minoritate e su opponentes (et alcun vices su alliatos). Istos continueva durante su presidentia. Durante su presidentia, Trump ordinava un prohibition de viage que focalisava al paises con un majoritate de muslimes. Ille signava un lege que reduceva impostos e le reformas sanitari de Obama. Ille assignava Neil Gorsuch, Brett Kavanagh et Amy Coney Barrett al Corte Supreme. Ille renegotiava le tractatos de commercio libere del pais e lo retirava del Tractato de Paris re calefaction global e del tractato con Iran re armas nuclear. Ille etiam retirava le militar statounitese de Syria, moveva le ambassada statounitese in Israel a Jerusalem e negotiava sin successo con Kim Jong-un de Corea del Nord. Su presidentia videva numerose contentiones ethic. Un investigation judicial investigava accusationes que Trump habeva collaborate con interferentia russe in le election; le reporto non implicava directemente Trump. In 2019, Trump tentiava olbigar le governamento de Ukraina a investigar su opponente domestic Joe Biden. Su opponentes, que habeva controlate le Camera de Representantes depost le initio del anno, votava lo evincer ma le Senato vinceva le tentativa. Malgrado le contentiones, Trump habeva appoio consistente e fervente de un grande minoritate del population. Le anno 2020 videva le Pandemia de Covid-19 e le 2020 election presidential. Trump sovente faceva declarationes false re le pandemia o deaccentuava su severitate. Al fin del anno, ille esseva vincite in su attempto a re-election per Joe Biden. Trump refusava conceder e tentava inverter le resulta, facente numerose accusationes false de fraude e incoragiar le protestos contra le resulta. Le secundo culminava le 6 januario 2021 con le assalto al Capitolio, 14 dies ante le partita de Trump. Ita ille deveniva le prime official qui le Camera de Representates duo vices voteva evincer.