Mercedes-Benz (carané maca ing basa Jerman: [mɛʁˈtseːdəs ˈbɛnts]) ya iku perusahaan otomotif saka Jerman kang gawé mobil kang warna-warna, mobil trek, lan bis. Mercedes-Benz ya iku salah sawijining perusahaan mobil kang paling misuwur ning donya. Mercedes-Benz uga dadi perusahaan otomotif kang tuwa dhéwé ning donya kang isih ana nganti saiki. Mobil gawéyane Mercedes-Benz iku dikenal mobil kang nggunakaké tèknologi kang dhuwur, lan duwé tèknologi pengaman kang apik ketimbang mobil liyané.
Mercedes-Benz ya iku divisi saka Daimler AG. Asal mulane Mercedes-Benz saka panemune Karl Benz kang nemu mobil kang duwé bahan bakar bènsin pisanan ning dunya lan wis dipatenake sasi Januari 1886,karo Benz Patent Motorwagen. Direwangi karo lelabuhané Gottlieb Daimler teknisi Wilhelm Maybach. Mobil-mobil Mercedes pisanan didol saka taun 1901 karo Daimler Motoren Gesellschaft. Mobil iki pisanan nganggo merek Mercedes-Benz kang diprodhuksi taun 1926 sawisé eneng merger saka perusahaan Benz karo Daimler, saéngga dadi perusahaan Daimler-Benz.
© MMXXIII Rich X Search. We shall prevail. All rights reserved. Rich X Search