მაილს პარკს მაკ-კოლუმი (დ. 23 აგვისტო, 1997), ცნობილი სასცენო სახელით Lil Yachty — ამერიკელი რეპერი. მაკ-კოლუმმა თავდაპირველად აღიარება მოიპოვა ინტერნეტში 2015 წელს მისი სინგლების „One Night“-სა და „Minnesota“-ს გავრცელების შემდეგ. ორივე სინგლი შესული იყო მის სადებიუტო EP-ში „Summer Songs“. 2016 წლის მარტში გამოუშვა თავისი სადებიუტო მიქსტეიპი „Lil Boat“.
მას გამოშვებული აქვს ოთხი სტუდიური ალბომი. პირველი ალბომი „Teenage Emotions“ 2017 წელს გამოვიდა. მისი მეორე და მესამე სტუდიური ალბომები „Lil Boat 2“ და „Nuthin' 2 Prove“ 2018 წელს გამოვიდა. მისი ამ დროისთვის უკანასკნელი სტუდიური ალბომი „Lil Boat 3“ 2020 წლის 29 მაისს გამოვიდა. მისმა ოთხივე ალბომმა მოახერხა Billboard 200-ის საუკეთესო ოცეულში მოხვედრა. მისი ნამუშევარი „Broccoli“ ნომინირებული იყო გრემის ჯილდოზე.
© MMXXIII Rich X Search. We shall prevail. All rights reserved. Rich X Search