L'Arabia di Saudi o Arabia Saudita (arab: ٱلسُّعُوْدِيَّة as-Suʿūdiyya), ufizielmënter l Rëni de l'Arabia di Saudi (arab: ٱلْمَمْلَكَة ٱلْعَرَبِيَّة ٱلسُّعُوْدِيَّة al-Mamlaka al-ʿArabiyya as-Suʿūdiyya, pronunzià ) ie n stat te l'Asia uzidentela. L cuer la majera pert de la penijula araba y à na spersa de ntëur a 2 150 000 km², cie che ne'n fej l cuinto majer stat de l'Asia y l majer tl mez urient. La cunfina cul mer cuecen a vest; la Iordania, l Irach y l Cueit a nord; l golf de la Persia, l Catar y i Emirac Arabs Unii a est; l Oman a sud-est y l Iemen a sud. Leprò rua mo l Bahrain, che ie n stat de ijules a est. L golf de Aqaba a nord-vest spartësc l'Arabia di Saudi dal Egit y dal Israel. L'Arabia di Saudi ie l sëul stat a avëi na costa sibe sul mer cuecen che sul golf de Persia y la majera pert de si spersa ie desert sut, steppa o crëps. La capitela de l'Arabia di Saudi ie Riyadh y tl stat ie ënghe doi de la ziteies plu santes dl Islam: Mecca y Medina.
© MMXXIII Rich X Search. We shall prevail. All rights reserved. Rich X Search