Arab Saudi atau Karajaan Arab Saudi adolah nagara Arab nan talatak di Jazirah Arab. Baiklim gurun dan wilayahnyo sabagian gadang tadiri ateh gurun pasia jo gurun pasia nan tagadang adolah Rub Al Khali. Urang Arab manyabuik kato gurun pasia jo kato sahara.
Nagara Arab Saudi iko babatehan lansuang (saarah jarum jam dari arah utara) jo Yordania, Irak, Kuwait, Taluak Persia, Uni Emirat Arab, Oman, Yaman, jo Lauik Sirah.
Pado tanggal 23 September 1932, Abdul Aziz bin Abdurrahman Al-Sa'ud mamproklamasikan batagaknyo Karajaan Arab Saudi atau Saudi Arabia (Al-Mamlakah Al-'Arabiyah Al-Su'udiyah) jo manyatukan wilayah Riyadh, Najd (Nejed), Ha-a, Asir, dan Hijaz. Abdul Aziz kudian manjadi rajo patamo pado karajaan tasabuik. Demikian dapek dipahami, namo Saudi baasa dari kato namo kaluargo Rajo Abdul Aziz Al-Sa'ud
Arab Saudi tanamo sabagai Nagara kalahiran Nabi Muhammad SAW sarato tumbuah jo bakambangnyo agamo Islam, sainggo pado benderanyo ado duo kalimaik syahadaik nan baarati "Indak ado tuhan (nan patuik) untuak disambah salain Allah jo Nabi Muhammad adolah utusan Allah".
© MMXXIII Rich X Search. We shall prevail. All rights reserved. Rich X Search