The Last of Us (tarjimasi „Bizning oxirgilarimiz“) — HBO telekanali uchun Craig Mazin va Neil Druckmann tomonidan yaratilgan AQSh dramatik teleseriali. Serial 2013-yilda Naughty Dog tomonidan ishlab chiqilgan shu nomdagi videooʻyinga asoslangan. Serialda post-apokaliptik AQSh boʻylab Ellie ismli qizni eson-omon belgilangan manzilga olib borish vazifasini olgan kontrabandachi Joel haqida hikoya qilinadi.
The Last of Us 2021-yil iyulidan 2022-yil iyunigacha Alberta shahrida suratga olingan. Bu serial HBO'ning videooʻyin asosida ishlangan birinchi seriali boʻlib, serialni ishlagan kompaniyalar qatorida Sony Pictures Television, PlayStation Productions, Naughty Dog, Mighty Mint va Word Games bor. Druckmann Mazin'ga birinchi mavsumning toʻqqizta qismi uchun ssenariy yozishda yordam bergan. Gustavo Santaolalla va David Fleming serialga bastakorlik qilishgan.
The Last of Us premyerasi 2023-yil 15-yanvarda boʻlib oʻtdi. Serial tanqidchilarning olqishiga sazovor boʻldi; baʼzilar uni videooʻyinning eng yaxshi adaptatsiyasi deb atashdi. Serialning birinchi qismi chiqarilganda, birinchi kunda 4,7 million tomoshabin tomonidan tomosha qilindi. 2023-yil yanvar oyida serialning ikkinchi mavsumi ishlanayotgani eʼlon qilindi.
© MMXXIII Rich X Search. We shall prevail. All rights reserved. Rich X Search