Die Annenbergstigting (Engels: Annenberg Foundation) is 'n familiestigting wat in 1989 gestig is om finansiële en ander steun aan organisasies sonder winsoogmerk in die Verenigde State en elders ter wêreld te verskaf, hoofsaaklik deur die toekenning van beurse, die verlening van tegniese bystand en liefdadigheidsaktiwiteite. Die stigting is in die lewe geroep deur en genoem na die uitgewer, filantroop en diplomaat Walter H. Annenberg (1908–2002) en het sy setel in Los Angeles, Kalifornië, met streekkantore in Washington, DC en Pennsilvanië.[1] Die huidige president en hoof uitvoerende beampte is Wallis Annenberg.[2]
Die stigting se kernprojekte sluit die Annenberg Learner-projek (vroeër Annenberg/Corporation for Public Broadcasting, kort CPB) in wat baie opvoedkundige televisieprogramme van die VSA se Public Broadcasting Service (PBS) befonds, asook die Annenberg-gemeenskapsstrandhuis (Annenberg Community Beach House) in Santa Monica, die Annenberg-ruimte vir fotografie (The Annenberg Space for Photography), Metabolic Studio, explore.org en die Wallis Annenbergsentrum vir Uitvoerende Kunste (Wallis Annenberg Center for Performing Arts) in Beverly Hills.
© MMXXIII Rich X Search. We shall prevail. All rights reserved. Rich X Search