Butch en femme is terme in gay en lesbiese gemeenskappe om ’n manlike (butch) of vroulike (femme) identiteit aan te dui, met die gepaardgaande gewoontes, optrede, styl, selfbeskouing, ens.[1][2] Die terme is in die 20ste eeu in lesbiese gemeenskappe geskep. Dit is al beskryf as "’n manier om seksuele verhoudings en gender- en seksuele identiteit te organiseer".[3] Die butch-femme-kultuur is egter nie die enigste soort verhoudings onder lesbiërs nie; daar is ook talle butch-butch- en femme-femme-verhoudings.[4]
Sommige lesbiese feministe is teen die woorde gekant en voel die onderskeid is ’n afdwinging van heteroseksuele sienings.[5] Volgens navorsing in die 1990's in die VSA "is 95% van lesbiërs vertroud met butch/femme-kodes en kan hulle hulself of ander volgens daardie kodes beoordeel, maar dieselfde persentasie het gevoel butch/femme is 'onbelangrik in hul lewe'".[6]
© MMXXIII Rich X Search. We shall prevail. All rights reserved. Rich X Search