Dominique de Villepin

Dominique de Villepin
Eerste Minister van Frankryk
Ampstermyn 31 Mei 2005 – 17 Mei 2007
President	Jacques Chirac
Voorafgegaan deur	Jean-Pierre Raffarin
Opgevolg deur	François Fillon
Minister van Binnelandse Sake
Ampstermyn 31 Maart 2004 – 31 Mei 2005
Eerste minister	Jean-Pierre Raffarin
Voorafgegaan deur	Nicolas Sarkozy
Opgevolg deur	Nicolas Sarkozy
Minister van Buitelandse Sake
Ampstermyn 7 Mei 2002 – 31 Maart 2004
Eerste minister	Jean-Pierre Raffarin
Voorafgegaan deur	Hubert Védrine
Opgevolg deur	Michel Barnier
Persoonlike besonderhede
Gebore	14 November 1953 (1953-11-14) (70 jaar oud) Rabat, Frans-Marokko (tans Marokko)
Politieke party	République Solidaire (sedert 2010 Union pour un Mouvement Populaire (2002-2010) Rassemblement pour la République (tot 2002)
Eggenoot/-note	Marie-Laure de Villepin
Kind(ers)	3
Alma mater	IEP de Paris École nationale d'administration Panthéon-Assas University Université Paris X Nanterre
Religie	Rooms-Katolieke Kerk

Dominique de Villepin (volledige naam: Dominique Marie François René Galouzeau de Villepin), gebore op 14 November 1953 in Rabat (Marokko), is 'n Franse diplomaat, digter en politikus (alhoewel hy hom nog nooit as 'n kandidaat vir verkiesing beskikbaar gestel het nie).

Dominique de Villepin is van 1977 tot 2002 'n lid van die Gaullistiese party Rassemblement pour la République (RPR), daarna van die Union pour un Mouvement Populaire (UMP). Op 7 Mei 2002 word hy Minister van Buitelandse en op 31 Maart 2004 Minister van Binnelandse Sake.

As Franse Minister van Buitelandse Sake is mnr. de Villepin sterk gekant teen die Brits-Amerikaanse oorlog in Irak.

Op 31 Mei 2005 benoem die President van die Franse Republiek, Jacques Chirac, Dominique de Villepin as Eerste Minister en opvolger van Jean-Pierre Raffarin.

Weens sy omstrede hervormings van die arbeidswetgewing ten opsigte van jong mense onder 26 jaar verswak Dominique de Villepin se posisie as Eerste Minister in Maart 2006 duidelik. Ná grootskaalse betogings van skoliere en studente en stakings dwarsoor die land kondig die Franse regering 'n wysiging van die omstrede wet aan.