Oespenski-katedraal (Moskou)

Oespenski-katedraal
Die suidelike aansig van die Oespenski-katedraal, gesien vanaf Katedraalplein.
Plaaslike naam	Успенский Собор
Ander naam	Katedraal van die Mariahemelvaart
Plek	Moskou,  Rusland
Denominasie	Russies-Ortodoks
Ingewy	1479
Boustyl	Russies
Webtuiste	Oespenski-katedraal

Die Oespenski-katedraal of Katedraal van die Mariahemelvaart (Russies: Успенский собор, Oespenski sobor) is ’n Russies-Ortodokse kerk wat gewy is aan die hemelvaart van die Teotokos ("Gods Moeder"). Dit is aan die noordekant van Katedraalplein in die Moskouse Kremlin in Rusland geleë. Suidwes daarvan is die Kloktoring van Iwan die Grote. Die katedraal word as die moederkerk van Moskouse Rusland beskou. Die huidige weergawe is tussen 1475 en 1479 gebou in opdrag van die Moskouse grootprins Iwan III. Die argitek was Aristotele Fioravanti. Tussen 1547 en 1896 is die Russiese heersers hier gekroon. Dit is ook waar die meeste Moskouse metropoliete en patriarge begrawe is.