Roger Federer

Roger Federer

Roger Federer in 2015
Bynaam	Swiss Maestro[1] Federer Express Fed Express FedEx[2]
Land	Switserland
Woonplek	Bottmingen, Switserland[3]
Geboortedatum	8 Augustus 1981 (1981-08-08) (42 jaar oud) [4]
Geboorteplek	Basel, Switserland[4]
Lengte	1,85 m[4]
Gewig	85 kg[4]
Afrigter	Severin Lüthi Ivan Ljubičić[4]
Begin professioneel	1998[4]
Afgetree	2022[4]
Spelstyl	Regshandig (eenhandig handrughou)[4]
Loopbaan-wengeld	$130 594 339 (soos op 12 Junie 2023)[4] (3de van alle tye)[5]
Amptelike webblad	rogerfederer.com
Enkelspel
Loopbaanrekord	1251–275 (82,0%)[4]
Loopbaantitels	103[4] (2de van die Ope-era)
Hoogste rang	No. 1 (2 Februarie 2004)[4]
Grand Slam-uitslae
Australiese Ope	W (2004, 2006, 2007, 2010, 2017, 2018)
Junior	HE (1998)
Franse Ope	W (2009)
Junior	1R (1998)
Wimbledon	W (2003, 2004, 2005, 2006, 2007, 2009, 2012, 2017)
VSA-Ope	W (2004, 2005, 2006, 2007, 2008)
Groot toernooie
Toereindronde	W (2003, 2004, 2006, 2007, 2010, 2011)
Olimpiese Spele	Silwermedalje (2012)
Dubbelspel
Loopbaan-rekord	131–93 (58,5%)[4]
Loopbaantitels	8[4]
Hoogste rang	No. 24 (9 Junie 2003)[4]
Australiese Ope	3R (2003)
Franse Ope	1R (2000)
Wimbledon	KE (2000)
VSA-Ope	3R (2002)
Groot dubbelspeltoernooie
Olimpiese Spele	Goue medalje (2008)
Laaste opgedateer op: 13 Junie 2023.

Roger Federer (Duits: [ˈrɔdʒər ˈfeːdərər]; gebore 8 Augustus 1981 in Basel, Switserland) is ’n voormalige Switserse professionele tennisspeler en voormalige no. 1 op die wêreldranglys van mansenkelspelspelers volgens die ATP.^[6] Baie kenners en tennisspelers glo Federer is moontlik die beste speler in die geskiedenis van tennis. Sy ma, Lynette Federer (née Durand), is ’n Suid-Afrikaner en hy het self ook Suid-Afrikaanse burgerskap.

Federer het al 20 Grand Slam-titels gewen tydens mansenkelspeltoernooie (hy het al aan 79 deelgeneem). Hy het die Wimbledon-kampioenskapstoernooi agt keer gewen (’n rekord), die Australiese Ope ses keer, die VSA-Ope vyf keer (almal agtereenvolgens; ’n rekord) en die Franse Ope een keer. Hy is een van net agt mans met ’n loopbaan-Grand Slam agter sy naam. In 2004 het hy die eerste speler sedert Mats Wilander geword wat drie van die vier Grand Slam-enkelspeltoernooie in dieselfde jaar wen: die Australiese Ope, Wimbledon en die VSA-Ope. Hy het ook al ses Tennismeestersbekertoernooie en 27 ATP-meestersreekstitels gewen.

Federer het die ATP se no. 1-posisie vir ’n rekord van 310 weke beklee. Hy het ook van 2 Februarie 2004 tot 17 Augustus 2008 die no. 1-wêreldposisie vir ’n rekord van 237 agtereenvolgende weke beklee. Op 8 Julie 2007 het hy Björn Borg se rekord van vyf agtereenvolgende seges op Wimbledon geëwenaar.

Sy spel is veelsydig,^[7] en sy oënskynlik maklike en doeltreffende bewegings het hom gewild onder tennisaanhangers gemaak.

1. ↑ (en) Sean Gregory (29 Januarie 2018). "Five Ways to Beat Roger Federer". TIME. Geargiveer vanaf die oorspronklike op 30 Oktober 2019. Besoek op 10 Junie 2019.
2. ↑ (en) John Roberts (12 September 2004). "The Federer express runs over Henman". The Independent. Geargiveer vanaf die oorspronklike op 24 Julie 2009. Besoek op 18 Junie 2009.
3. ↑ (en) "Roland-Garros 2014 – Roger Federer". Geargiveer vanaf die oorspronklike op 27 Februarie 2018. Besoek op 11 September 2017.
4. ↑ ^{4,00 4,01 4,02 4,03 4,04 4,05 4,06 4,07 4,08 4,09 4,10 4,11 4,12 4,13 4,14} (en) "Player profile – Roger Federer". ATP World Tour. Besoek op 31 Januarie 2023.
5. ↑ (en) "Career Prize Money" (PDF). Pro Tennis Live. 12 Junie 2023. Besoek op 12 Junie 2023.
6. ↑ (en) "Rankings: Singles". ATP World Tour. Geargiveer vanaf die oorspronklike op 11 Desember 2018. Besoek op 19 Februarie 2018.
7. ↑ (en) Wallace, David Foster (20 Augustus 2006). "Roger Federer as Religious Experience – Tennis". The New York Times. ISSN 0362-4331. Geargiveer vanaf die oorspronklike op 6 Mei 2020. Besoek op 2 Februarie 2018.