Suid-Amerika Rugby

Suid-Amerika Rugby
Kenteken van Suid-Amerika Rugby
Spaanse en Portugese naam	Sudamérica Rugby
Afkorting	SAR
Vasteland	Suid-Amerika
Lede	16
Sportsoorte	Rugby, Sewesrugby
Gestig op	14 Oktober 1988
Gestig in	Asunción, Paraguay
Sambreelorganisasie	Wêreldrugby
Aangesluit in	1988
President	Sebastián Piñeyrúa ( Uruguay)
Setel	Buenos Aires, Argentinië
Amptelike tale	Spaans en Portugees
Amptelike webwerf	sudamerica.rugby

Suid-Amerika Rugby (Spaans en Portugees: Sudamérica Rugby, afgekort “SAR”) is die kontinentale beheerliggaam vir rugby in Suid-Amerika. Hulle is ook een van Wêreldrugby se ses kontinentale konfederasies.^[1] Die konfederasie is in 1988 gestig en hulle hoofkantoor is in Buenos Aires, Argentinië, geleë. Die amptelike tale is Spaans en Portugees en Sebastián Piñeyrúa dien as president van Suid-Amerika Rugby.

Suid-Amerika Rugby organiseer verskeie vastelandse toernooie, insluitend die Amerikas Rugbykampioenskap (saam met Rugby Amerikas Noord) en die Suid-Amerikaanse Rugbykampioenskap vir nasionale seniorrugbyspanne vir mans, vroue en jeug. Suid-Amerika Rugby hou ook toesig oor Sewesrugby in Suid-Amerika en aangesien dit ’n Olimpiese sportsoort is, werk hulle met die Pan-Amerikaanse Sportorganisasie (PASO) saam.

In 1988 is Suid-Amerika Rugby in Asunción, Paraguay, deur Argentinië, Brasilië, Chili, Paraguay en Uruguay as CONSUR gestig.^[2] In 2015 is CONSUR in Suid-Amerika Rugby hernoem.

1. ↑ (en) "South America". Wêreldrugby. Besoek op 17 Desember 2023.
2. ↑ (es) "Historia". Suid-Amerika Rugby. 2021. Besoek op 17 Desember 2023.