(45) Eugenia

(45) Eugenia

Eigeschafte vum Orbit
Orbittyp	Hauptgürtelasteroid
Grossi Halbax	2,720 AE
Perihel; Aphel	2,497; 2,944 AE
Exzentrizität	0,082
Neigig vu dr Bahnebeni	6,610 °
Siderischi Umlaufzitt	4 a 178 d
Middleri Bahngschwindigkeit	18,960 km/s
Physikalischi Eigeschafte
Durmesser	215 km
Masse	5,8 × 10¹⁸ kg
Middleri Dichti	1,12 g/cm³
Rotationsperiode	5 h 42 m
Albedo	0,040
Absoluti Helligkeit	7,46
Spektralklasse	C-Typ
Gschichte
Entdecker	H. M. S. Goldschmidt
Datum vu dr Entdeckig	27. Juni 1857
Älderi Bezeichnig	1941 BN

Dialäkt: Markgräflerisch (Ebringe)

D' (45) Eugenia isch e Asteroid vum Asteroide-Hauptgürtel, wo am 27. Juni 1857 vun Hermann Mayer Salomon Goldschmidt entdeckt worre isch. Daift worre isch dr Himmelskörper zue Ehre vu dr Eugénie de Montijo, dr Ehefrau vum Napoleon III.

D'Eugenia beweggt sich zwische 2,497 (Perihel) und 2,944 (Aphel) astronomische Eiheite uf ere relativ chreisförmige Bahn um d'Sunne, d'Bahnexzentrizität betrait 0,082. D'Bahn isch um 6,61° gege d'Ekliptik gneigt.

Mit eme Durmesser vu öppe 215 km isch d'Eugenia ein vu dr gröschte Asteroide vum Hauptgürtel. Si besitzt e dunkli, chohlestoffriichi Oberflächi mit ere Albedo vu 0,04. Die gring Dichti vu 1,12 g/cm³ wiist druf hi, dass dr Himmelskörper e Schutthuffe, also e losi Asammlig vu Staub un Gstei, si dürfte.

Am 6. Oktober 1999 isch e Mond bi dr Eugenia entdeckt worre, un uf dr chlei Prinz vum Antoine de Saint-Exupery Petit-Prince - bzw. (45) Eugenia I Petit-Prince daift worre. Es handelet sich um e 13 km grosse Asteroid, wo d'Eugenia ime Abstand vu 1.184 km in 4,766 Däg umchreist. Noochem Dactyl (Mond) isch säll die zweit Entdeckig vume s Asteroidemond gsi. Dodurch het mer chänne d'Masse un d'Dichti vu dr Eugenia rächt guet ableite.

Lueg au: Liste vu dr Asteroide