S Bestimmung, Identifikation (Identifizierig), Determinazioon oder Spezifikazioon isch in dr Biologii d Zueordnig vom ene indiwiduelle Lääbewääse, sig s e Pflanze, e Dier, e Bilz oder en äizällige Mikroorganismus, zun ere taxonomische Äihäit (Taxon), mäistens dere vo dr Art. Vo doo chunnt mä zum ene Naame us dr wüsseschaftlige Nomenklatur, zum Bischbil „Panthera leo“, mänggisch cha mä aber e Bestimmig nume uf ere hööchere taxonomische Eebeni mache, z. B. uf dere vo dr Gattig oder Familie. E wüsseschaftligi Bestimmig wird immer uf dr Basis vo natürlige, vererbbare Merkmol gmacht, also charakterisierende Äigeschafte, wo in dr Diagnose vom Taxons beschriibe si. Die Merkmol chönne z. B. uf dr Morfologii, dr Anatomii, dr Füsiologii, em Verhalte oder uf molekulare Merkmol basiere. Bestimmige wärden manuell oder computergstützt gmacht und mä brucht drbii Bestimmigsschlüssel oder stützt sich uf Vergliichsexemplar us Naturkundmuseum oder brivate Sasmmlige.
© MMXXIII Rich X Search. We shall prevail. All rights reserved. Rich X Search