Gleichheit

Gliichhäit (gläägentlig und vor allem im politische oder filosofische Konteggst frz. Égalité) bedütet ass e bestimmts Merkmol bi de mäiste Objekt von ere Grubbe wo mä aaluegt, sig es Geegeständ, Mensche oder Sachverhalt, s gliiche isch, au wenn sich d Objekt in andere Merkmol underschäide. Identidäät bedütet e vollständigi Gliichhäit, das häisst ass mä in Hiisicht uf jedes Merkmol zwüsche de Objekt nid cha underschäide. Äänligkäit bezäichnet s, wenn alli Merkmol fast aber nid ganz die gliiche si. Gliichhäit bestoot zwüsche zwäi oder me Objekt und äinere oder mee Äigeschafte. Si bezäichnet s Verheltnis zwüsche de Gegeständ oder Persone. Es cha sä gee im Bezuug uf d Kwalidäät, d Kwantidäät oder d Relazioon. D Methode zum sä feststelle isch dr Vrgliich.