Haie

Hai
Graue Riffhai (Carcharhinus amblyrhynchos)
Systematik
Überklass: Chiifermüüler (Gnathostomata) Chlass: Chnorpelfisch (Chondrichthyes) Underchlass: Blattechiemer (Elasmobranchii) Deilchlass: Euselachii Neoselachii ohne Rang: Hai
Wüsseschaftlige Name
Selachii

D Hai (Selachii) si Fisch us dr Klass vo de Chnorpelfisch. Uf dr ganze Wält si öbbe 500 verschiideni Arte bekannt. S Wort Hai stammt vom niederländische haai ab. Das sälber chunnt vom isländische Wort haki, wo Hogge bedütet und en Aaläänig an die hoggeförmigi Schwanzflosse vo de Hai isch.^[1] In dr Umgangssprooch säit mä dä Hai vilmol Haifisch.

Die mäiste Hai frässe Fisch und anderi gröösseri Meerdier; aber dr Walhai, wo bis zu 14 m lang und 12 t schwer cha wärde, dr Riisehai und dr Riisemuulhai ernääre sich im Wääsentlige vo Plankton. Au wenn im Joor nume öbbe fümf Mensche wäge Haiaagriff stärbe, gälte d Dier as chaltblüetigi Killer und Menschefrässer. Dr Bestand vo vile Haiarte isch wägen ere übermässige Befischig bedroot.

1. ↑ Kluge. Etymologisches Wörterbuch der deutschen Sprache. 24. Ufl. bearbäitet vom Elmar Seebold. Berlin / Nöi York 2002, S. 384.