Impressionismus

Dä Artikel bhandlet d Bewegig in de Moolerei. Wyteri Bedütige vo „Impressionismus“ findsch doo.

Dr Impressionismus (v. lat.: impressio = Iidruck; über s französische impressionnisme) isch e Sammelbezeichnig, wo in dr Kunstgschicht für e zentrali Bewegig in dr Moolerei in dr zweite Helfti vom 19.Johrhundert bruucht wird. Si isch vo Frankriich us choo und het sich wältwit verbreitet. Im Impressionismus si die wäsentlige Vorussetzige für e neu Charakter vo dr Bildende Kunst im 20. Johrhundert entstande. So hai Kunsthistoriker ihn immer wider as en Ändi oder as en Aafang – oder au as beides gliichzitig beschriibe.

Näbe dr Moolerei hai sich au impressionistischi Musig, Litratur, Film und Fotografii entwicklet. In dr Moolerei isch dr Impressionismus vom Post-Impressionismus abglöst worde.