Johannes-Passion (J. S. Bach)

D Johannes-Bassioon (Passio Secundum Johannem, BWV 245) isch usser dr Matthäus-Bassioon die äinzigi authentischi Bassioon vom Johann Sebastian Bach, wo vollständig erhalte isch. Si ergänzt dr Evangeliebricht noch em Johannes, wie dr Jesus Christus gfangegnoo und krüzigt worden isch, dur Chorääl und Teggst, wo frei drzuezudichtet worde si. Si isch für e vierstimmige Chor, Gsangssoliste und Orchester gschriibe. S Wärk isch öbbe zwäi Stunde lang und wird hüte mäistens as Konzärtmuusig ufgfüert. Si isch aber ursprünglig Däil vom e Gottesdienst gsi und isch am Karfritig, am 7. April 1724, in dr Leipziger Nikolaichille urufgfüert worde.