Dr Sir Joseph Banks, 1. Baronet (* 2. Februarjul./13. Februargreg. 1743 z London[1][2][3]; † 19. Juni 1820 z London) isch en änglische Naturforscher gsi. Er het sich bsundrigs dr Botanik gwidmet. In dr Middi vom 18. Joorhundert het er dr James Cook uf sinere erste Räis und Wältumseglug (1768–1771) begläitet. Wäärend die andere Naturforscher uf Tahiti mit em Mässe vom Venustransit beschafdigt gsi si, häi är und sini zää Hälfer e Hufe naturwüsseschaftligi Entdeckige gmacht. Si offiziells botanischs Autorekürzel isch „Banks“.
Dr Banks isch 32 Joor lang Bresidänt vo dr Royal Society gsi und het Kontakt mit de füerende Forscher vo sinere Zit ghaa. Er het dr Aastooss gee für d Brotfrucht-Expedizioon vo dr Bounty under dr Läitig vom Lütnant William Bligh.
© MMXXIII Rich X Search. We shall prevail. All rights reserved. Rich X Search