Liederhandschrift

*Codex Manesse*: s Autorebild vom Konrad vo Altstette.

As Liederhandschrift bezäichnet mä e Sammelhandschrift us em Middelalter oder dr Nöizit, wo wenigstens zum Däil us Abschrifte vo Lieder bestoot. Spootmiddelalterligi Handschrifte wärde (grad wie druckti Wärk) hinggege hüfig as Liederbuech bezäichnet. D Liederhandschrifte si vilmol Züügniss vo dr hoochentwigglete middelalterlige Buechmoolerei, wo s berüemtiste Bischbil drfür woorschinlig dr Codex Manesse isch.