Louis Armstrong

Dr Louis Daniel „Satchmo“ Armstrong (* 4. August 1901 z New Orleans, Louisiana; † 6. Juli 1971 z Nöi York, Nöi York) isch e amerikanische Dschääsdrumbeeter und Sänger gsi.

Er het stilistisch fast alli Drumbeeter noch im, wo in dradizionelle Dschäässtil gschbiilt häi, stark beiiflusst. Au hüte no gspüürt mä bi jüngere Musiker, wie öbbe bim Wynton Marsalis, im Armstrong sis musikalische Erb.

Dr Armstrong isch näbe dr Billie Holiday und dr Ella Fitzgerald äine vo de bekanntiste Sänger vom Jazz, mit ere Stimm, wo mä nid cha verwäggsle.