Parshva

De Parshva (Sanskrit. पार्श्व, Pārśvá m.; amg. Pāsa) isch de 23. Tirthamkara vo de Jaina gsii.

De Parshva isch de Soo vom König Ashvasena vo Varanasi gsii, wo zu de Sune-Dynastii ghört het. Sini Muetter isch d Vamadevi gsii. Mit driisgi isch er Askeet wore und het spööter d „Allwüssehait“ erlangt. Er söll hundert Joor alt wore sii und isch ufem Berg Sammeta gstorbe. As 23. Tirthamkara isch er de Vorgänger vom Mahavira gsii, em Stifter vom Jinismus und het rund 250 Joor vor dem glebt, aso öppe im 8.Jh.v. Chr.