Schlacht bei Marignano

Schlacht bi Marignano
Deil vo: Maliänderchrieg
Schlachtszene
Datum 13.–14. Septämber 1515 Ort in de Nöchi vo Melegnano südöschtlich vo Mailand Usgang Entschäidende französische Siig
Konfliktparteie
Frankriich, Republik Venedig	Eidgnossenschaft: Züri Lozärn Uri Schwyz Unterwalde Zug Glaris Basel Schaffhuuse Die Ort häi iiri Drubbe vor dr Schlacht abzooge: Bärn Fryburg Soledurn
Befählshaber
Franz I. Gian Giacomo Trivulzio Ludwig II. von La Trémoille Karl von Amboise	Kardinal Schiner Bürgermeister Marx Röist vo Züri Ammaa Werner Steiner vo Zug
Truppesterki
ca. 30 000 Franzose und Landschnächt öppe 12 000 Venezianer 74 schweri Gschütz, über 300 liichti Gschütz	ca. 22 000 Eidgenosse (fast alli Infanterii) 6 liichti Gschütz
Verlust
5000–8000	9000–10 000
Pavierzug - Novara - Dijonerzug - Marignano - Bicocca - Pavia

D Schlacht bi Marignano het am 13. und 14. September 1515 in de Nöchi vom hütige Ort Melegnano, wo in dere Zit Marignano gheisse het, stattgfunde.

Es isch en Teil vo de Usenandersetzige zwüsche Frankriich und de Eidgnosseschaft gsi, wo um s Herzogtum Mailand gschtritte häi. Dr Rückzug vo de Eidgenosse, wo d Schlacht verlore gsi isch, het früener as dr ersti dokumentierti gordneti Rückzug sit dr Antike gulte, was aber mee und mee in Froog gstellt wird.

D Schlacht bi Marignano isch eini vo de letschte grosse Schlachte gsi, wo d Eidgnosseschaft dra teilgnoh het. Für d Gschicht vo dr Eidgnosseschaft isch di Schlacht insofern bedütend, dass d Eidgnosse ufgrund vo de Niderlag und em Friiede, wo si druf mit Frankriich gschlosse häi, ihre Expansionsdrang Richtig Süüde iigschtellt häi.