Sebastian Brant

Dr Sebastian Brant (* 1457 oder 1458 z Stroossburg; † 10. Mai 1521 z Stroossburg), latinisiert Titio, isch e dütsche Jurist, Brofässer für Rächtswüsseschaft an dr Uniwersidäät Baasel (1489–1500) und vo 1502 bis zu sim Dood 1521 Stadtsyndikus und Kanzler vo dr Freie Riichsstadt Stroossburg gsi. Er isch äine vo de broduktivste Autore vo latiinischer Aadachtslürik und Herusgääber vo antike Klassiker und Schrifte vo italiänische Humaniste gsi. Si Wärk Das Narrenschiff, wo 1494 veröffentligt worde isch, het si Ruem as Autor vom dütsche Humanismus begründet.