Yemenins

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Yemenins
Ninos yemenins
Población total
bels 23.090.000
Rechions con comunidaz importants
Yemen 23.013.376
Reino Uniu 70.000-80.000 Estaus Unius 10.000 Francia 2.000 Aragón 7[1]
Idiomas
Arabe
Relichión
Islam
Pueblos relacionaus
Atros pueblos arabes y semiticos.

Os yemenins^[2] son un pueblo u conchunto de pueblos de luenga semita que habita en o sudueste d'a peninsula Arabica, correspondendo o suyo territorio d'alto u baixo con l'actual Yemen. Tienen tradicions diferents d'o desierto Arabico por estar a suya tierra prou diferent en clima, topografía y vías de comunicación. Bel clan yemenín ha teniu importancia en a historia d'Al Andalús, en especial en a val d'Ebro.

Dende o punto de vista lingüistico a mayor part parlan arabe, pero encara quedan minorías que charran atras luengas semiticas de brancas diferents a l'arabe.

Dende o punto de vista relichioso ye destacable a presencia d'importants grupos chiitas, como os zaydi d'os tozals d'o norte. Bi ha tamién bels mils de chiitas ismailitas y sunnitas que siguen a escuela xafí, concentraus en o sud y a costa. Os chudeus yemenins descienden en mayor mesura de yemenins preislamicos que de refuchiaus u comerciants orichinarios de Tierra Santa, Echipto u Mesopotamia.

Encara que viven en poblaus y aldeyas, encara mantienen as filiacions tribals. En a costa bi ha pescadors. En Hadhramaut bi ha beduins nomadas y sedentarizaus.

1. ↑ (es) Nacidos en el extranjero, residentes en Aragón en 2021. Instituto Aragonés de Estadística
2. ↑ (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.