Atentaos del 11 de marzu de 2004 | |
---|---|
Llocalización | |
Llocalización | Madrid |
Coordenaes | 40°24′24″N 3°41′22″W / 40.4067°N 3.6894°O |
Datos | |
Parte de | yihadismo en España (es) |
Oxetivu | Cercanías Madrid (es) |
Armes | backpack bomber (en) y Goma-2 (es) |
Fecha | 11 de marzu de 2004 |
Víctimes | |
Númberu de firíos | 1856 |
Númberu de muertes | 193 |
Los atentaos del 11 de marzu de 2004, conocíos pol numerónimo 11M, fueron una serie d'ataques terroristes en cuatro trenes de la rede de cercaníes de Madrid llevaos a cabu por una célula terrorista de tipu yihadista, tal como reveló la posterior investigación policial, sentenció l'Audiencia Nacional y repitió el Tribunal Supremu.[1] Finaron 193 persones y alredor de dos mil resultaron mancaes.
Ente les 07:36 y les 07:40 (CET) del 11 de marzu de 2004, n'hora punta, produciéronse diez españes cuasi simultánees en cuatro trenes de Madrid. Más tarde, y tres un intentu de desactivación, la policía españó de forma controlada dos artefautos que nun españaren. Tres ello desactivaron un terceru que dexaría, por cuenta del so conteníu, empecipiar les primeres pesquises que conduciríen a la identificación de los autores.
Los atentaos producieron trés díes antes de les eleiciones xenerales de 2004. Los dos principales partíos políticos españoles —Partíu Popular (PP) y Partíu Socialista Obreru Español (PSOE)— acusáronse mutuamente de despintar o aburuyar información relativa a los atentaos por razones eleutorales.
Ye'l segundu mayor atentáu cometíu n'Europa por detrás del atentáu de Lockerbie de 1988. Esti nun foi'l primer atentáu de corte yihadista perpetáu n'España: en 1985 producióse'l atentáu del restorán El Descansu, que causó 18 muertes.
© MMXXIII Rich X Search. We shall prevail. All rights reserved. Rich X Search